ÍF byrjunaruppstilling: Jákup - Kaj, Poul, Høgni, Jan - Dánjal, Fritleif, Frank, Andy - Nenad, Øssur
Bonkur: Eyðun, Áki, Ari, Sverri og Bjarki

Dysturin skuldi leikast leygardagin 3. juli kl. 15.00, men verður í staðin leiktur leygardagin 3. juli kl. 17.00.

Aftaná dystin verður brotssparkskapping á vøllinum fyri børn, ung og vaksin. Eisini verður tónleikakafé, hoppiborgir, ballónsøla, ymsikir tivolibásar og mangt annað hugnaligt í bygdini um vikuskiftið. Kom til Fuglafjarðar og hugna tær á Varmakeldu! :-)

So hava fuglfirðingar gjørt enn ein ÍF sang. Hesaferð eru tað Eyðun Larsen og Regin Toftegaard, ið hava smíða eitt lag saman, meðan Sámal Matras Kristiansen hevur skrivað orð og Bárður á Lakjuni syngur sangin. Sangurin eitur: "ÍF, vit rópa ÍF"

"ÍF, vit rópa ÍF" kann hoyrast við at trýsta á hesa leinkjuna: http://www.id8.dk/IF/

Vit eru sera takksom fyri henda sera góða ÍF sangin, og vóna at øll taka væl íimóti honum. Takk fyri, Eyðun, Regin, Sámal og Bárður.

ÍF uppstilling: Eyðun - Fritleif, Uni, Høgni, Jan - Dánjal, Frank, Karl, Andy - Nenad, Øssur
Bonkur: Jákup, Poul, Áki, Ari og Sverri
Dómari: Rúni Gaardbo

Dysturin er byrjaður

10 min: Einki stórvegis er hent enn

12 min: Jóan Pauli skjýtur illa út eftir høgt press frá ÍF, bólturin endar hjá Nenad sum smekkar til út ímóti stongini, men Jóan Pauli fær akkurát fingrarnar á og út til hornað

14 min: Frank skjýtur fríspark úr 22 metrum, hann bombar til, men bólturin er ov mitt á Jóan Paula, sum fær trýst bóltin uppum málið

15-20 min: ÍF hevur havt tveir stórar málmøguleikar, men neyvleikin manglar

21-25 min: B36 hevur havt tveir stórar málmøguleikar, men Eyðun hevur bjarga væl í málinum

26 min: 0-1 til B36 - Eftir ping pong spæl uttanfyri 16 meturin hjá ÍF, fær Bárður Olsen bóltin, hann skjýtur uppum Eyðun úr 20 metrum við vinstra beinið

36 min: 0-2 til B36 - Hjalgrím driblar til baklinjuna, leggur innfyri í ein trunka av fólkið, har setur Christian R. Mouritsen fótin á, so er 0-2

45 min: Andy leggur væl innfyri, har Dánjal skallar beint við síðunar av

Hálvleikur 0-2! ÍF byrjaðu betri og sóu rímiliga upplagdir út, men eftir hálvan fyrra hálvleik tóku B36 yvir, og hava verið farligara liðið í fyrra hálvleiki. 

68 min: 0-3 til B36 - Ein B36 leikari kemur leysur í brotsteiginum í vinstru síðu, linjuverjin koyrir flaggið upp fyri offside, B36 leikarin smekkar til alíkavæl og setur bóltin í málið. Øll halda tað er offside, sjálvt allir B36 leikararnir, men Rúni Gaardbo dømir mál og allir leikararnir standa sum eitt spurnartekin..

70 min: Karl fer út fyri Ari

72 min: Andy leggur væl innfyri til Øssur, sum leggur bóltin við bringuni á 16 metur strikuni, smekkar til, men Jóan Pauli bjragar upp í yvirleggjaran og niður á strikuna - sera óheppi at hann ikki fór inn.

74 min: Jan kemur til innlegg í vinstru, leggur væl innfyri til Nenad, sum skjýtur eftir nærmaru stong, men Jóan Pauli bjargar

79 min: 0-4 til B36. Hesaferð var tað eitt einmandsavrik av Róaldi Jacobsen. Hann driblar mitt ígjøgnum ÍF verjuna og setur bóltin framvið Eyðun í ÍF málinum 

80 min: Dánjal fer út fyri Sverra

85 min: Hjalgrím Elttør kemur leysur í høgru, smekkar til, men Eyðun bjargar væl uppum málið

87 min: 0-5 til B36. Hjalgrím kemur væl til baklinjuna í vinstru, leggur innfyri, men ÍF'ararnir fáa ikki rudda vekk og endin er at Magnus Olsen smekkar bóltin í málið til 0-5!

Dysturin endaði 0-5. ÍF'ararnir vóru úrlætnir í dag, og liðið hekk ikki saman sum ein eind. Tá B36 fingu 3-0 málið, var dysturin so gott sum liðugur og ÍF leikararnir vóru mótleysir restina av dystinum. Keðiligt at tapa, men 0-5 var óneyðuga nógv.

Komandi leygardag er síðsti Vodafonedystur hjá ÍF í fyrru hálvu, tá vit taka ímóti AB í Fuglafirði. Tá er eisini Varmakleda á skránni, so vit vóna at síggja nógvar áskoðarar í góðum stevnuhýri á Fløtugerði. Meir verður at frætta seinni um Varmakelduna.