Dagsins liðuppstillingar:

ÍF: Jákup - Uni, Bartal, Høgni, Jan - Dánjal, Frank, Fritleif, Karl, Andy - Øssur
Bonkur: Eyðun, Áki, Alex, Ari og Nenad

Víkingur: Geza - Sverri, Niclas, Erling, Hanus - Bárður, Sam, Nenad, Sølvi, Finnur - Páll
Bonkur: Rógvi, Hans Jørgin, Hjartvard, Kaj Leo

Dómari: Páll Augustinussen

Hjálpardómarar: Jón K. í Brekkuni og Jan Gardar

Vælkomin til Vodafonedyst á Fløtugerði í Fuglafirði. Í dag taka vit ímóti Víkingi, og sigast kann at dysturin í dag snýr seg um at vísa hvar liðini kunna enda á stigatalvuni.

Fyri kortum skrivaðu vit her á síðuni, at vit høvdu fingið ein leikara á A-landsliðið, nevnliga Høgna Zachariassen. Hann hevur nú givið avboð, saman við Súna Olsen, Vagnur M. Mortensen og Atla Danielsen, og hetta hevur síðani givið pláss til ein ÍF'ara í staðin, nevnliga 19 ára gamla Karl Løkin.

Mynd: Kjartan Madsen, Dimmalætting

Eftir 1-0 tapi ímóti EB/Streymi í finaluni í steypakappingini, var tað sera tungt at hugsa positivt, men vit kunnu í veruleikanum hugsa positivt um tað heila. ÍF'ararnir spældu ein góðan dyst, og góvu EB/Streymi skarpan gang, so dysturin kundi fari báðar vegir - tó fór dysturin til EB/Streym hesaferð. Uttanfyri vøllin var eisini ein stór kapping, har fjepparafeløgini, Málið og Red Dragons, kappaðust um stuðla sínum liðið. Har var so ongantíð nakar ivi, hvør vann ta kappingina, og Red Dragons fekk eisini heiðurin sum 1'ari uttanfyri vøllin frá Bláu Bylgjuni, ið skipaðu fyri kapping ímllum áskoðararnir. Fyri hetta vann Red Dragons okkurt leskiligt frá Føroya Bjór, og 30 atgongumerki til Føroyar - Serbia dystin tann 3. september. Stuðulin ið Red Dragons gav ÍF liðnum fríggjakvøldið, er heilt greitt tann dyggasti stuðulin ÍF leikararnir hava fingið frá Red Dragons síðan tað bleiv stovnað. Um áskoðararnir kunnu halda fram við at stuðla liðnum so væl, fer tað heilt sikkurt at lyfta leikararnar í hvørjum einasta dysti, so vónandi møta tit øll upp til dystirnar ið eru eftir av kappingini.

Vegna ÍF leikarar, venjarar og nevnd vilja vit takka tykkum øllum, fyri sera dyggan stuðul til finaluna um Løgmanssteypið. Tað rakk ikki hesaferð, men um vit halda fram, fer tað heilt sikkurt at geva úrslit.

KOYR Á ÍF!!!