Måned: juni 2019

Dystarfrásøgn B36-ÍF/Víkingur/B68

Ein sigur og 3 stig afturat á kontona

Vit fóru í dag til Gundadals eftir trimum stigum, soleidis at vit kundu varveita oddasessin og tað eydnaðist eisini.
Fyrri hálvleikur var nokkso javnur, har vit tó vóru mest á bóltinum. Eftir 14 minuttum fingu vit hol á, tá Jacoba spældi Jensu í høgru síðu. Jensa rak oman á baklinjuna og legði útfrá til Hannu, sum fluktaði bóltin í málið. Eitt mál júst eftir bókini. 1-0 til okkum og rómurin var stórur. Eftir at vit høvdu lagt okkum á odda, bleiv tað nokkso rótut og vit lovaðu B36 meira inn í dystin, har tær høvdu onkrar farligar deyðbóltsstøður. Eftir 32 minuttum endar Mona við bóltinum tá hon mitt fyri á 16 metur teiginum leggur bóltin útfrá til Jacobu, sum smekkar eitt flatt skot, við vinstra beini í vinstra horn. 2-0 til okkum og ein deilig kensla. Tað sum eftir er av dystinum er ikki so nógv at skriva heim um. Vit høvdu meira bóltin og skaptu stødur í opnum spælið, tó uttan at blíva heilt vandamiklar. Alt í alt ein dystur, har spælið frá okkara síðu var heldur rótut. Men vit fingu 3 stig heim við úr Gundadalið og tað er tað sum telur.

Næsti dystur verður longu mikudagin, tá vit í Steypakappingini taka ímóti HB kl. 19.00 í Sarpugerði.

Dystarfrásøgn ÍF-HB

ÍF avbukað av HB í Fløtugerði.

Fyri fáum árum síðani vóru dystirnir millum HB og ÍF í bestu deildini í Fløtugerði altíð spennandi. Nógvir áskoðarar vóru til dystirnar, og næstan hvønn einasta dyst vunnu fuglfirðingar og viðhvørt við nógvum málum.
Nú er vent í holini, ÌF-liðið hevur ilt við at klára seg í bestu deildini, meðan HB gjørdist føroyameistarar tað árið, ÍF-liðið spældi í næstbestu deildini og í dag spældi HB, sum tað sømir seg føroyameistarum, vakurt spæl, væl hugsað og vunnu næstan allar bóltarnar.
ÍF liðið vísti lítið og einki. So skjótt sum dysturin varð bríkslaður í gongd, setti HB seg á dystin.
Verjan hjá ÍF var sum ein opnahjallur, og tað funnu HB- ararnir skjótt útav, og tað gingu ikki meira enn sjey minuttir, so hevði HB fingið tvey mál.
ÍF-liðið, sum hevur vant dúgliga, vísti lítið og einki. Nógv mistøk vórðu gjørd, og tað gjørdi HB -liðið sær dælt av. Fimm ferðir eydnaðist tað HB at seta bóltin í málið hjá ÍF, meðan ÍF-liðið fekk bert tað eina málið, so úrslitið bleiv 5-1.
Eitt vónbrot fyri ÍF- viðhaldsfólk, sum hevði væntað at sæð eitt ÍF lið við meira orku – liðið, ið plagdi at smyrja HB av.
Hetta gjørdist eitt eyðmýkjandi ÍF tap og enn liggur okkara lið, saman við AB niðast á breddanum í kappingini í bestu deildini.
Nakað, sum fellur mongum ÍF- fjepparum fyri bróstið, eru tær mongu broytingar, ið verða gjørdar á liðnum til hvønn einasta dyst – spælarar verða fluttir í heilum, og nakað nýtt skal roynast. Vit eru komnir skjótt í helvt í kappingini, so vit kunnu ikki halda fram við “royndarprojektum.”
Næsti dysturin hjá ÍF verður móti EB/Streymi í Fuglafirði. Seinast vit møttu EB/Streymi var norðuri á Eiði, har okkara lið spældi ein avbera góðan dyst og sigraðu 3-1, ið var ruddiliga uppiborið.
Men EB/Streymur hevur so mangan vist, at teir kunna bíta frá sær, tá ið ástendur. Tað leikar nógv á hjá nevnda liði og so hjá okkara liði komandi sunnudag.
Vit ynskja okkara liði og okkara venjarum góða eydnu við næsta dystinum í Fløtugerði og heita á fuglfirðingar um at møta fjølmentir til dystin.

Skriva hevur Signar á Brúnni

2 nýggir leikarar skrivað sáttmála

ÍF hevur leigað 2 leikarar úr Víkingi.

Talan er um Milan Svojic, ið kom til Víking í ár, har hann fekk 5 dystir í byrjanini av árinum.

Hin leikarin, ið er eisini er leigaður, er Hans Jákup Lervig, sum hevur spælt 27 dystir í bestu heimligu kappingi, 6 steypadystir og 4 altjóða dystir.

Vit ynskja teimum vælkomnar til ÍF og ynskja teimum góða eydnu 😊

Vit liggja nr. 1

Tað var eitt sindur av vindi, tá vit í dag tóku ímóti KÍ á heimavølli.
Tað var ikki nógv at skriva heim um í fyrra hálvleiki. Spæli bylgjaði aftur og fram, KÍ hevði eitt skot á stongina og vit høvdu onkur skot, sum málverjin hjá KÍ tó ikki hevði stórar trupulleikar av.

Í hálvleikinum framdu vit eina broyting. Hjørdis kom inn, og hetta skuldi vísa seg at gera mun.

Tað er ikki ov nógv sagt, at siga at vit høvdu alt spælið í seinna hálvleiki. Vit komu eisini framum eftir 67 minuttum. Hanna bleiv leys frammanfyri málmanninum, sum hálvbjargaði, og aftaná eitt sindur av trunkaspæli endaði bólturin hjá Hjørdis, sum setti hann í netið til 1-0.

Vit væntaðu nú eitt trýst frá KÍ, men hetta kom ongantíð ordiligt. Í staðin vóru tað vit, sum eftir 76 minuttum øktu um leiðsluna, tá Hjørdis við góðum langskoti knallaði bóltin í netið.
Tað sum eftir var av dystinum, hendi ikki nógv. Vit vardu dystin heim, og komu ongantíð undir nakað serligt trýst. 
Tað var stór gleði ímillum leikararnar og mongu áskoðarnar, sum vórðu møttir upp til dystin í dag, tá dómarin bríkslaði fyri seinastu ferð. Ein sigur til okkum, og vit liggja nú á fyrsta plássið💪🏼

Vit hava dyst aftur sunnudagin, tá vit fara á vitjan hjá B36 í Gundadali⚽️

Myndirnar eru lántar frá Eydbii myndir – http://www.eydbiimyndir.com

 

Toppdystur í morgin

Í morgin, 2. Hvítusunnudag, verður toppdystur hjá Betri kvinnum, har nr. 1 og 2, ávíkavist KÍ og ÍF/Víkingur/B68, møtast kl. 13.00 í Sarpugerði. Vinnur okkara lið, liggja vit nr. 1 í deildini💪🏼 Deiligt hevði verið at sæð nógv viðhaldsfólk stuðla og heppa á okkara lið 😃😃