Jákup til 2022

Aftur í dag kunnu vit bera tíðindi um eina sáttmálaleingjan. Í dag er talan um Jákup Nolsøe Olsen, sum seinastu tíðina hevur vart málið hjá okkum; og hevur staðið seg sera væl.

Jákup hevur skrivað undir sáttmála, ið er galdandi fyri kappingarárini 2021 og 2022.

Evnaríki leikarin av Kambsdali hevur ikki altíð verið málmaður. Tað er ikki fyrr enn fyri fáum árum síðani, at Jákup valdi at taka handskarnar á; áðrenn tað spældi hann fyri tað mesta sum verjuleikari.

Vit fegnast um sáttmálan, og ynskja Jákupi hjartaliga tillukku og alt tað besta.

Koyr á ÍF!