Eingir áskoðarar fram til 22. august

At vit sum ítróttarfelag skulu heita á okkara trúføstu áskoaðarar um ikki at møta til dyst er ein øvugt verð. Aftur í ár hevur stuðulin verið framúr frá tykkum – hjartans tøkk fyri tað.

Nú er tað tó tíverri so, at vit liva í eini tíð við nógvari óvissu. Av tí at tað eru staðfestir tilburðir av Korona aftur, eru harraboð komin, at vit ikki kunnu loyva áskoðarum til dystirnar frá í dag og til 22. august.

Vit heita tí staðiliga á allar okkara áskoðarar til allar deildir um ikki at ganga í móti tilmælunum.