Samskipanin komin undir land

Ársveitslan er í kvøld, og er hendan á hvørjum ári eitt gott punktum fyri eitt fótbóltsár. Ein ógvuliga stórur partur av einum fótbóltsári er tann umsitingarligi og samkipanarligi parturin. Samskipanarligi parturin er tað límið, ið bindur fótbólt, umsiting, samskifti og planlegging av øllum íðkandi limum kring landið saman.

Vit hava í nøkur ár lagt samskipanarliga partin til tvey fólk at umsita. Um tað hevur verið eitthvørt, so hava Jenny á Lakjuni og Mary-Ann Zachariassen tikið sær av hesum, og hava tær røkt uppgávuna serstakliga væl. Tað er tí við stórari gleði, at vit í kvøld kunnu fortelja fótbóltsføroyum, at okkara fryntligu samskiparar hava gjørt av at halda fram við samstarvinum við ÍF.

Ein sera umráðandi partur av felagsarbeiðnum er sostatt mannaður, og vit gleða okkum til víðari samstarv.