Forfatter: Palli Vang

Nú verður bygt

Á býráðsfundi í kvøld hevur Fuglafjarðar kommuna samtykt
høvuðsarbeiðstakarasáttmála við Sp/f Heildarverk um bygging av nýggjum ítróttarhús.

Byggingin byrjar beinanvegin og vantast byggingin at taka 1 ár.

Ítróttarhúsið verður í 3 hæddum. 1. byggistig er at innloka alt húsið og innrætta niðastu hædd. Í niðastu hædd verða 4 umklæðingarrúm, dómararúm, goymlsurúm, onnur rúm og lift til hinar hæddirnar.

Aðalfundur

ÍF hevur aðalfund í ÍF húsinum 6 febr. kl. 20.00

Skrá fyri fundin:

  1. Val av fundarstjóra.
  2. Val av skrivara.
  3. Granskoðarur roknskapur.
  4. Ymist.

Her er Betri Deildin 2019 hjá monnum

Aftur í ár verður talan um eina drúgva kapping í Betri Deildini hjá monnum. Fyrsta umfar verður spælt sunnudagin 10. mars. og ikki fyrr enn 26. oktober verður FM-steypið handað handað.

Um góðar tveir mánaðar fer bólturin aftur á rull í Betri Deildini hjá monnum. Fyrsta umfar verður sunnudagin 10. mars, og síðani verða fimmtan umfør á skránni, áðrenn kapppingin fer í summarsteðg sunnudagin 30. juni.

Dagin fyri ólavsøkuaftan verður lagt til brots aftur, tá 16. umfar verður spælt. Ólavsøkudystirnir í ár verða AB – EB/Streymur, B36 – Víkingur og HB – TB. Hinir báðir dystirnir í 16. umfari eru Skála – ÍF og NSÍ – KÍ.

Landskappingin í Betri Deildini hjá monnum endar leygardagin 26. oktober, og tá hittast liðini soleiðis: Skála – EB/Streymur, AB – HB, TB – Víkingur, B36 – KÍ og NSÍ – ÍF.

Øll skráin fyri Betri Deildina 2019 hjá monnum sæst her: Betri Deildin menn 2019

Málmaður skrivað undir

Komandi ár kemur nýggjur málmaður at berjast um plássið millum stólparnar. Talan er um 28-ára gamla toftamannin, Petur Meinhard Magnussen.

Petur Meinhard hevur í síni fótbóltsleið spælt 262 dystir fyri B68, 07 Vestur og Giza Hoyvík – harav 9 dystir í bestu deildini.

Vit í ÍF fegnast um avtaluna, og ynskja Petur Meinhardi hjartaliga vælkomnum til felagið

Sunnvar heldur fram

21-ára gamli Sunnvar G. Hansen hevur í dag undirskrivað 1-ára sáttmála við ÍF. Miðvallarin úr Syðrugøta kom til ÍF miðskeiðis í kappingarárinum. Hann spældi 9 dystir og skoraði 2 mál í 1. deild í ár.

Til stuttleika kann nevnast at Sunnvar er beiggi Hallgrím, sum í nógv ár hevur verið málmaður hjá okkum.

Vit í ÍF fegnast um avtaluna, og ynskja Sunnvari hjartaliga tillukku við sáttmálanum.

Bóltsnillingur undirskrivað sáttmála


Enn ein av okkara ungu evnaríku leikarum hevur í dag undirskrivað 1-ára sáttmála við felagið. Talan er um 20-ára gamla fuglfirðingin, Jóhan Petersen.

Famrættaði leikarin hevur í ár, meir ella minni, bitið seg fastan á liðið, og hevur í 18 dystum skotið 6 mál.

Vit í ÍF fegnast um avtaluna, og ynskja Jóhan hjartaliga tillukku við sáttmálanum.

Jóla- og nýttársheilsan

Góðu tit í nevndini, ungdómsnevndini, leikarar, venjarar, stuðlar, fjepparar, hjálparfólk, og ALLIR ÍFarar.

Eg vil ynskja tykkum og tykkara kæru, eini gleðilig og friðsæl jól og eitt eydnuberandi nýtt ár😃

Nú árið er fari at halla og vit siga 2018 farvæl, vil eg nýta høvi, at takka tykkum fyri alt tað sjálvbodna arb. ið tit so trúføst veita ÍF. Uttan tykkum var einki felag😃

Við Ítróttarkvøðu

Dan Petersen

Høvuðsvenjarin leingir

Tað hevur ligið í kortunum, at Hegga Samuelsen skuldi halda fram sum høvuðsvenjari í felagnum. Vit kunnu nú staðfesta, at hetta verður so. Hegga hevur í kvøld undirskrivað sáttmála, ið merkir, at hann komandi ár kann byggja víðari uppá tað góða arbeiðið, sum hann og okkara hjálparvenjari, Ólavur Larsen, hava gjørt hetta seinasta árið. Fremsti málsetningurin var at flyta upp aftur í Betrideildina. Hetta eydnaðist, og sum flestu kunnugt, endaðu vit við at vinna deildina. Eitt annað, sum fegnast kann um, er at nógvir ungir leikarar hava fingið møguleikan á besta liðnum í ár. Vit eru tí avbera væl nøgv við samstarvið. Vit fegnast um avtaluna, og ynskja Hegga tillukku við sáttmálanum.