Jenny R. Petersen úttikin til U15 landsliðið

Landsliðsvenjari hjá U15-gentunum, Øssur Hansen, hevur úttikið hópin, sum frá 6. til 11. oktober fer at taka lut í Copa Saint Vincent í Barcelona.

Í millum tær 18 ið eru úttiknar til U15 landsliðið er Jenny R. Petersen.

Talan er um kapping, ið er fyri lið úr øllum heiminum.

Vit ynskja henni góða eydnu 🙂

Jóhan Højbro úttikin til U15 landsliðið

Venjarin hjá U15-landsliðnum við dreingjum, Øssur Hansen, hevur úttikið hópin, sum í døgunum 17. til 21. oktober fer til Liktinstein, har tveir venjingardystir eru á skránni.

Millum teir 18 ið eru úttiknir er Jóhan Højbro.

Báðir dystirnir verða í býnum Ruggell, og spælt verður 18. og 20. oktober.

Vit ynskja Jóhan góða eydnu 🙂

Leikari kemur heim 😊

Ari hevur í dag skriva sáttmála við okkum.

Sáttmálin er galdandi fyri restina av hesum kappingarárinum.

Ari hevur leikt 208 dystir fyri okkum og skoti 32 mál.

Vit ynskja Ara væl afturkomnan og ynskja vit honum bestu eydnu 😊

Dystarfrásøgn ÍF – B68

ÍF liðið var tað betra
Tað fall mongum fyri bróstið, tá ið ÍF liðið tapti 6-1 móti B68 á Svangaskarði. Hesa skommina vildi ÍF liðið vaska av sær í heimadystinum, sum varð spældur í gjár.
Dysturin var ikki góður, tí hvørki av liðunum løgdu seg eftir at spæla góðan og vakran fótbólt, men bæði liðini høvdu sett sær fyri at vinna dystin. Mangan leikaði hart á, og dómarin fekk seg royndan.
ÍF liðið spældi betur, so at siga allan dystin. Tað gekk ikki leingi, so eydnaðist tað fuglfirðingum at fáa fyrsta málið, ið Bogi Reiner syrgdi fyri.
B68 misti ikki móti av tí, men settu meira ferð á spælið, men uttan úrslit.
B68 liðið spældi seg til onkran málkjansin, men neyvleikin vantaði, og málmaðurin hjá ÍF hevði ongar trupulleikar at bjarga skotunum, ið høvdu røttu kósina.
Tað sást týðuliga, at ÍF liðið var ikki nøgt við at vinna við einum máli, og liðið arbeiddi væl og ágrýtið. Kjansirnir vóru fleiri, men illa gekst at fáa nakað burturúr.
Ta einu ferðina stóð Dion frammanfyri opnum B68 málið, men skotið fór við síðuna av.
B68 liðið stríddust eisini væl, men illa gekst at fáa spælið at hanga saman. Rætt skal verða rætt, B68 spældi seg eisini til ein upplagdan kjans, ið teir lørkaðu burtur.
Hóast liðini stríddust av øllum alvi, so komu ikki fleiri mál, og ÍF hevði megnað at vaska skommina frá fyrra dystinum av sær og fara av vøllinum við einum 1-0 sigri.
Úrslitið ber í sær, at ÍF liðið eru nú komið upp á triðja plássi í næstbestu deildini og útlitini til uppflyting í bestu deildina, eru ikki so fjar.
Eitt sum vit fuglfirðingar kunnu fegnast um, er, at fleiri ungir spælarar hava fingið møguleikan at roynt seg í bestu deildini hjá ÍF, og teir hava roynst væl og fara at mennast uppaftur meira, sum tíðin líður.

Skriva hevur Signar á Brúnni

U17 dreingirnir vildu ikki standa aftanfyri 1. deild

U17 dreingirnir leiktu mikukvøldið í móti Skála, úrslitið var at teir vunnu 7-0.

Støðan í hálvleikinum var 3-0.

Málini fullu soleiðis:

5′  Bjarti J. Højbro 1-0
14′  Tóri Nolsøe Olsen 2-0
38′  Meinhard Bogason Lamhauge 3-0
52′  Tóri Nolsøe Olsen 4-0
62′  Heri Jøkladal 5-0
76′  Tóri Nolsøe Olsen 6-0
84′  Noah Mneney 7-0